Yohana 21:9,15-19

Em outras traduções

1. KUTUB Biblia Kikutu

   9 Viwavikile kunze mwiisi inyalile, wauvika moto wa makala na uchanha yake kuna somba na gate.

   15 Viwamambukize kuja, Yesu kamuuza Simoni Petulo, "Simoni mwanage Yohana, vino koninogela ng’hani kubanza wano wayagwe?"

   Simoni kamwidika, "Ona Mndewa, gweye kojuwa niye nokunogela."

   Yesu kamulongela, "Wadime wana ng’hondolo zangu." 16 Mwanza wa kabili Yesu kamuuza Petulo, "Simoni mwanage Yohana, gweye koninogela?"

   Simoni kamwidika, "Ona Mndewa, gweye kojuwa niye nokunogela."

   Yesu kamulongela, "Wasusile ng’hondolo zangu." 17 Mwanza wa kadatu Yesu kamuuza, "Simoni mwanage Yohana, gweye koninogela?"

   Petulo kona usungu kwavija Yesu kamuuza mwanza wa kadatu, "Koninogela?" Avo kamulongela, "Mndewa, gweye kojuwa kila kinhu, kojuwa niye nokunogela!"

   Yesu kamulongela, "Wadime ng’hondolo zangu. 18 Nokulongela ukweli, viukalile mbwanga, kuifunga mkwiji mwenyego na kuchola kokose kuulondile. Lakini wahawa mvele, kogolosa makono gako na munhu iyagwe kokufunga na kokugala kuja hukulondile kukuchola." 19 Kwa ulonzi uno Yesu kakala yolagusa vija Petulo vonda yafe na kugala ukulu kwa Imulungu. Abaho Yesu kamulongela, "Nikweleleze!"