Lucas 9

38 Munhu imoja mna ulunhu kaguta, "Mfundiza! Nokupula undolele mwanangu, mwanangu yeli yaiyeka! 39 Kinyamkela komkumba na komtenda yagute nyangi, komgela kisango kuno kolawa miholovu mumulomo. Kogendelela kumulumiza na hamuleka hima bule! 40 Niwapula wanahina zako wamulave kinyamkela ayo, lakini hawadahile bule."

41 Yesu kawalongela, "Mweye lukolo luliduhu kutamanila na lwagile! Nokala na mweye mbaka lini? Nogela kitumbe kumgongo mbaka lini?" Abaho kamulongela munhu ija, "Mgale hano mwanago."

42 Mbwanga ija viyakalile komwizila Yesu, kinyamkela kambwanha hasi na kamgela kisango. Lakini Yesu kamkomhokela kinyamkela, kamuhonya mbwanga ija, na kamgwaa tatake. 43 Wanhu wose wakanganya kwa udahi mkulu wa Mulungu.

Yesu kolonga kabili mbuli ya ifa yake

Wanhu viwakalile wang’hali wokanganya mbuli ziyatendile Yesu, Yesu kawalongela wanahina zake,