Yesu kolonga mbuli ya kubanangika kwa Ng’anda ya Mulungu
1 Yesu viyakalile kosegela kuna Ing’anda ya Mulungu, mwanahina wake imoja kamulongela, "Mfundiza, lola mabwe gano na ng’anda zino vizinogile!"
2 Yesu kamwidika, "Kozona ng’anda zino vizili ng’hulu? Haduhu dibwe donda dilekigwe uchanha ya diyagwe, kila dibwe dokwasigwa hasi."
Kugaya na kudununzika
Mat 24:3-14; Luk 21:7-19
3 Yesu viyakalile kuna Ulugongo lwa Mizeituni, mwambu kwa mwambu na Ng’anda ya Mulungu, baho Petulo na Yakobo na Yohana na Andeleya wamcholela Yesu kinyelegezi. 4 Wamulongela, "Tulongele, choni chonda kitendeke kulagusa kipindi cha kulawilila gano gose?"