Mateus 15

Kutamanila kwa mtwanzi

21 Yesu kahalawa hanhu aho kachola mwiimbaka ili behi na kudibuga da Tilo na Sidoni. 22 Mtwanzi imoja Mkaanani wa isi ayo kamcholela kuno kotowa nyangi, kamulongela, "Go mkulu, Mwana wa Daudi! Nyonele bazi mndele wangu kana kinyamkela komgaza ng’hani."

23 Lakini Yesu hamwidike mbuli. Wanahina zake wamcholela Yesu wampula, "Mulongele yasegele! Kwavija kotukweleleza na kotutowela mizangi!"

24 Yesu kawedika, "Nhumigwa kwa wanhu wa isi ya Izilaeli weli kamba ng’hondolo wapotele."

25 Mtwanzi ayo keza kamfugamila kamulongela, "Go mkulu, nhaze!"

26 Yesu kamwidika, "Havinogile bule kusola lujo lwa iwana na kuwapigisila umbwa."

27 Mtwanzi ayo kamwidika, "Ona, go mkulu, lakini hata umbwa woja kija kilagale hasi mmeza ya wakulu zao."

28 Yesu kamwidika, "Gweye kwa mtwanzi utamanila ng’hani! Kiulondile kotendiligwa." Bahaja mndele wake kahona.