Mateus 17

Yesu komuhonya mbwanga yeli na kinyamkela

14 Viwaluvikile lunhu lwa wanhu, munhu imoja kamcholela Yesu, kamfugamila, 15 kamulongela, "Go mkulu, monele bazi mwanangu, kana kisango na kogaya ng’hani. Miyanza mingi kogwa muumoto hebu mgamazi. 16 Nimgala kwa wanahina zako, lakini hawadahile bule kumuhonya."

17 Yesu kawedika, "Mweye lukolo lwihile na luliduhu kutamanila! Ng’hale na mweye mbaka lini? Nogela kitumbe kumgongo mbaka lini? Mgaleni hano imbwanga!" 18 Yesu kamkomhokela ikinyamkela, nayo kamulawa mbwanga ayo, bahaja kahona.