25 "Lekaavo nowalongeleni, sekemuugaiye ugima, moja choni na kung’wa choni, hebu ng’huli zenu zovala choni. Vino ugima haunogile bule kubanza lujo? Hebu lukuli halunogile bule kubanza viwalo? 26 Waloleni bondwa, hawahanda, hawasenga, hebu kwika kudikanho, lakini Tataenu yeli kuulanga kowadima. Vino mweye hamunogile ng’hani bule kubanza iwabondwa?
30 Kamba Mulungu heyo yodivaza jani da kumuhulo, lelo dabahano na mayo dokwasigwa muumoto, vino hondayawavaze ng’hani mweye? Mweye wanhu mutamanila kidogo!
31 "Avo sekemuigaze kwa kulonga, ‘Toja choni?’ hebu, ‘Tong’wa choni?’ hebu, ‘Tovala choni?’ 32 Kwavija vinhu vino vivo voogaiya wamhazi. Tataenu yeli kuulanga kojuwa kamba movilonda vinhu vose avo. 33 Lakini tanhu uzahileni Undewa wa Mulungu na gaja goyolonda, na vino vose mogweleligwa. 34 Avo sekemugagaiye ga mayo, kwavija mayo yoigaiya yenyego. Kila siku yoigaiya yenyego.