Mateus 8

Yesu komuhonya msang’hanaji wa mkulu wa wakalizi wa Lumi

5 Yesu viyengile Kapelinaumu, mkulu imoja wa wakalizi wa Lumi kamgendela kampula yamtaze. 6 Kalonga, "Go mkulu, msang’hanaji wangu kawasa ukae, kaholola na kolumwa ng’hani."

7 Yesu kamulongela, "Nochola kumuhonya."

8 Mkulu ayo kamwidika, "Go mkulu niye sifaya gweye wingile mng’anda yangu. Lakini longa mbuli na msang’hanaji wangu kohona. 9 Naniye vivija na hasi ya udahi wa wakulu na nina wakalizi hasi yangu. Nahamulongela ino ‘Chola!’ nayo kochola, nahamulongela iyagwe ‘Izo!’ nayo kokwiza, vivija nahamulongela msang’hanaji wangu, ‘Tenda vino!’ nayo kotenda vivo."

10 Yesu viyahulike avo, kakanganya kawalongela waja wamkweleleza, "Nowalongeleni, sinamona munhu yoyose mwiisi ya Izilaeli yotamanila kamba ino. 11 Nowalongeleni ukweli, wanhu wengi wokwiza kulawa mwambu wa kudilawila zuwa na mwambu wa kudihongela, wokala hamoja na Abulahamu na Isaka na Yakobo mna ulujo kuna Uundewa wa kuulanga. 12 Lakini waja wolondeka wawe muundewa wa Mulungu wokwasigwa kunze kudiziza, ako wolila na kudafuna meno." 13 Abaho Yesu kamulongela mkulu ayo, "Chola ukae, na kija chuupulile chotendigwa."

Saa iija msang’hanaji wake kahona.