8 Kwavija nowalongela, Kilisito kawasang’hanila Wayahudi kuwalagusila Mulungu kotenda kija kiyalongile, kotenda kija kiyailagane na wahenga zao kilawilile, 9 na kuwatenda wanhu haweli Wayahudi wamgwee nhogolwa Mulungu kwa bazi jake. Kamba Maandiko Gang’alile vigalonga,
"Avo, nokugwaa nhogolwa kwa wanhu haweli Wayahudi,
nokwimba nyila za kuditogola twaga jako."
10 Vivija golonga,
"Wanhu hamwili Wayahudi deng’heleleni hamoja na wanhu wa Mulungu!"
11 Vivija golonga,
"Wanhu wose hamwili Wayahudi, mtogoleni Mndewa,
makabila gose ga mwiisi, mtogoleni Mndewa!"
12 Vivija mtula ndagu wa Mulungu Isaya kolonga,
"Kolawilila munhu mulukolo lwa Yese,
nayo kowatawala wanhu haweli Wayahudi,
na wao womtamanila."
13 Mulungu yotamaniligwa, yawatende mudeng’helele ng’hani na muwe na tindiwalo kwa kumtamanila kwenu, muladi kutamanila kwenu kukule kwa udahi wa Loho Yang’alile.