1 Samweli 19

11 Sauli kawatuma wanhu ikilo kuna ing’anda ya Daudi kamba kamumo imitondo yamkome. Lakini mwehe wake Daudi Mikali, kamulongela, "Kamba huhonya ugima wako kilo kino mayo kokomigwa." 12 Avo Mikali kamuhumulusa Daudi mdizonzo na kasegela kinyelegezi. 13 Abaho Mikali kasola kinyago kakitambaliza mulusazi, kudipala kamwikila kisagamilo cha mibahila ya mbuzi, abaho kakigubika kiwalo.

14 Sauli viyatumile wanhu wachole wakamgoge Daudi, Mikali kawalongela, "Daudi kolumwa."

15 Avo Sauli kawatuma kabili wakamulole Daudi, kawalongela, "Mgaleni kumwangu Daudi hata kamba yahawa mulusazi ili yakomigwe." 16 Waja iwanhu viwengile mng’anda ya Daudi na kulola mulusazi wachona kinyago na kudipala kikiligwa kisagamilo cha mibahila ya mbuzi.

17 Sauli kamulongela Mikali, "Habali kumvizila? Kumulekesa munhu yonihila yatoloke."

Mikali kamwidika, Daudi kanongela, "Nileke nisegele buleavo nokukoma."

18 Daudi viyatoloke kachola Lama kwa Samweli. Kamsimulila Samweli mbuli zose ziyamtendele Sauli. Daudi hamoja na Samweli wachola kukala ako Nayoti.