Atos 2

41 Wanhu wengi wazitogola mbuli zake na wabatizigwa, wanhu gana malongo madatu ongezeka mkibumbila siku dijo. 42 Wagendelela kufundizigwa na watumigwa, wakala kimbwiga na kuja gate hamoja na kumpula Imulungu.

Wanhu wamtogole Yesu viwakalile okala

43 Mbuli nyingi za unzonza na vilaguso zikala zitendigwa na watumigwa, na kila munhu kengila bwembwe. 44 Wanhu wose wamtogole Yesu wagendelela kukala hamoja na kuigolela vinhu vao. 45 Wakala ochuuza migunda na vinhu viwakalile navo na kuigolela zisente kwa kila munhu viyalondile. 46 Wagendelela kuiting’hana Mng’anda ya Imulungu kila siku, wakala oja hamoja mzikae zao, waja kwa kudeng’helela na kwa moyo uholile, 47 kuno omtogola Imulungu, na wanhu wose wawanogela. Kila siku wanhu wamtogole Yesu ongezigwa na Mndewa mdibumbila jao.