Gaja goyolonda Loho na gaja gotulonda siye
16 Avo, nolonga vino, mbuli zenu zimsang’hana zilongozigwe na Loho wa Imulungu, na aho honda mukweleleze usulukilo wihile uli mgati mmwenu. 17 Kwavija viulonda usulukilo wihile uli mgati mmwenu hakuitogolela na vija viyolonda Loho wa Imulungu, na vija viyolonda Loho wa Imulungu hakuitogolela na vija viulonda usulukilo wihile uli mgati mmwenu. Vinhu vino vibili haviilumba bule, avo hamudaha kutenda kinhu chochose kimulonda wenyego.
22 Lakini muugima wa munhu yolongozigwa na Loho wa Imulungu vinhu vino vokoneka mgati mmwake, unogelwa na deng’ho na tindiwalo na kufunga umoyo na bazi na moyo unogile na kutenda kija kiyalongile, 23 uhole, kuitawala mwenyego. Kuduhu Malagizo goleka kuitogolela na gano. 24 Wanhu wose wailumbile na Yesu Kilisito wauwamba unhu wao wa nzambi uli na usulukilo wihile na magesa gehile. 25 Twahakala kwa kulongozigwa na Loho wa Imulungu, tukweleleze viyolonda Loho.