Ulava nhosa wa Melikizedeki
1 Melikizedeki kakala mndewa wa buga da Salemu na kakala mulava nhosa wa Imulungu yeli Uchanha Ng’hani. Abulahamu viyakalile kobwela kuitowa na kuwahuma wandewa wane, Melikizedeki kachola kuiting’hana nayo na kamtambikila. 2 Abulahamu kamgwaa Melikizedeki fungu da longo da vinhu viyasolile kulawa kuing’hondo. Tanhu, twaga dijo da Melikizedeki dofambula, "Mndewa yotenda golondigwa na Imulungu," na vivija kakala mndewa wa Salemu, avo twaga jake dofambula, "Mndewa wa tindiwalo."
4 Loleni, ukulu uyakalile nao Melikizedeki, hata muhenga wetu Abulahamu yajuwike ng’hani, kamgwaa fungu da longo da vinhu viyapatile kuing’hondo. 9 Abulahamu viyalihile fungu da longo, todaha kulonga Lawi muhenga wa waja osola fungu da longo nayo kamba vivija kaliha kubitila Abulahamu. 10 Kwavija Lawi kakala mulukuli lwa muhenga wake Abulahamu kipindi Melikizedeki viyacholile kuiting’hana nayo.