12 Pilato viyahulike vivo, kazahila nzila ya kumfungulila Yesu. Lakini Wayahudi wakemelela, "Wahamfungulila huli mbwiga wa Mndewa mkulu wa Lumi! Munhu yoyose yoitenda Mndewa komuhinduka Mndewa mkulu wa Lumi!"
13 Pilato viyahulike mbuli azo, kamulava Yesu kunze, kakala mkigoda cha mkulu wa kitala, hanhu hakemigwe "Lubuga lwa mabwe" Kwa Kiebulania "Gabasa" 14 Ikala saa sita imisi siku ya kuitanda Pasaka. Pilato kawalongela Wayahudi, "Aino hano Mndewa wenu!"
15 Wao wakemelela, "Mkome! Mkome! Muwambe mumsalaba!"
Pilato kawauza, "Molonda nimuwambe mumsalaba mndewa wenu?"
Wakulu wa walava nhosa wamwidika, "Twabule mndewa iyagwe lakini Mndewa mkulu wa Lumi!"
16 Abaho Pilato kamulava Yesu kumwao ili wamuwambe mumsalaba.
Yesu kowambigwa mumsalaba
(Matayo 27:32-44; Maluko 15:21-32; Luka 23:26-43)
Avo wambokela Yesu.