53 Abaho Yesu kagaligwa mng’anda ya Mkulu wa walava nhosa, mumo wakulu wa walava nhosa wose, wavele na wafundiza Malagizo ga Musa waiting’hana. 55 Wakulu wa walava nhosa na wanhu wose wa mkitala wazahila usindila wa uvizi ili wamkome Yesu, lakini hawaupatile bule.
61 Lakini Yesu kanyamala tuluu, halongile mbuli, Mkulu wa walava nhosa kamuuza kabili, "Gweye ayo Kilisito Mkombola, Mwana wa ija Yotogoligwa?"
62 Yesu kamwidika, "Nene iyo heyo. Mweye momona Mwana wa Munhu kakala muukulu mwambu wa mkono wa kudila wa Imulungu yeli na Udahi, kokwiza mna gamawingu ga kuulanga!"
63 Mkulu wa walava nhosa kakidega kiwalo chake, kalonga, "Hatulonda usindila uyagwe! 64 Muhulika viyomuliga Imulungu. Mweye mogesaze?"
Wose walonga, kabananga kolondigwa yakomigwe.