Lusimo lwa mbeyu ikula
26 Yesu kagendelela kulonga, "Undewa wa Imulungu uigala na kija kilawilile kwa munhu yamizile mbeyu mumgunda wake. 27 Ikilo kowasa, imisi kolamuka, mbeyu zota na kukula, lakini heyo hajuwa choni kigendelela. 28 Udongo wenyego ozitenda mbeyu zikule goya na kulela matunda, tanhu majani, abaho mada, na omambukiza kwa kuzamiza. 29 Uhemba wahakangala, munhu ayo kosola sengo na kosonga kusenga kwavija kipindi cha kusenga kivika."
Lusimo lwa mbeyu ndodo ya haladali
(Matayo 13:31-32, 34; Luka 13:18-19)