Yesu kolemigwa ako Nazaleti
1 Yesu kasegela hanhu aho kachola kudibuga diyavumbuke, na wanahina zake wamkweleleza. 2 Vidivikile siku da Kubwihila, Yesu kasonga kufundiza mng’anda ya kumpula Imulungu. Wanhu wamuhulike wakanganya ng’hani, waiuza, "Munhu ino kazipata kwahi mbuli zino? Nzewele gani ino mbaka kodaha kutenda unzonza uno? 3 Vino ino siyo ija fundi selemala, mwanage Malia, na ndugu zake Yakobo na Yusufu na Yuda na Simoni? Vino lumbu zake hawakala bahano bule?" Avo wamulema.
4 Yesu kawalongela, "Mtula ndagu kotegelezigwa kila hanhu, lakini hategelezigwa ukae kumwake na kwa ndugu zake, na kwa wanhu wa lukolo lwake mwenyego."
5 Yesu hatendile unzonza wowose, ila kawekila makono watamu kidogo na kawahonya. 6 Yesu kakanganya ng’hani kwavija wanhu wakala wabule kutamanila.
Yesu kowatuma wanahina longo na wabili
(Matayo 10:5-15; Luka 9:1-6)
Abaho Yesu kachola mna ivijiji vili behi, na kasonga kuwafundiza wanhu.