Marcos 7

Kutamanila kwa mtwanzi imoja

24 Abaho Yesu kahalawa hanhu aho kachola mwiimbaka ili behi na buga da Tilo. Kengila mng’anda na halondile munhu yoyose yajuwe kakala aho, lakini hadahile bule kuifisa. 25 Mtwanzi imoja, yakalile na mndele wake yeli na kinyamkela, viyahulike mbuli za Yesu, bahaja kamgendela na kamfugamila Yesu. 26 Mtwanzi ayo hakalile Muyahudi, kavumbuka kudibuga da Silofoinike mwiisi ya Siliya kampula Yesu yamulave mndele wake kinyamkela. 27 Lakini Yesu kamwidika, "Tanhu waleke wana wegute. Kwavija havinogile bule kusola ndiya ya iwana na kuwapigisila umbwa."

28 Mtwanzi ayo kamwidika, "Ona, go mkulu, lakini hata umbwa weli hasi mmeza oja kija kisigazigwe na iwana!"

29 Yesu kamulongela mtwanzi ayo, "Kwavija kwidika vivo, bwela ukae kumwako na komvika mndele wako kinyamkela kamulawa!"

30 Mtwanzi ayo kachola ukae kumwake, viyavikile kamvika mndele wake katambalala mulusazi na kinyamkela kakala yamulawile.