Matayo 22

Mbuli ya kuzilibuka kwa wafile

23 Siku didija Masadukayo wayagwe wanhu olonga kuduhu kuzilibuka wamcholela Yesu. 24 Walonga, "Mfundiza, Musa katulongela mbigalo yahafa yang’hali hanalela wana, ndugu yake kolondigwa yamsole mgane ayo, ili yalele nayo wana mbuli ya ndugu yake. 25 Hano kumwetu kukala na ndugu saba. Ija imkulu kasola mwehe na kafa halekile wana, na mdodo wake kamuhala mgane ayo. 26 Kinhu kikija kimulawilila mwana wa kabili, wa kadatu mbaka wose saba. 27 Ako kumwande, mtwanzi ija nayo kafa. 28 Mna isiku ya kuzilibuka wanhu wafile, mtwanzi ayo kokuwa wa nani? Kwavija wose saba wakala wamsolile."

29 Yesu kawedika, "Mweye mopotela! Kwavija hamugajuwile Maandiko Gang’alile hebu udahi wa Imulungu. 30 Kwavija mna isiku ya kuzilibuka wanhu wafile, wanhu hawasola wala hawasoligwa okuwa kamba wasenga wa kuulanga. 31 Lakini kwa mbuli ya kuzilibuka kwa wanhu, hamusomile kija kiyawalongele Imulungu? Kalonga, 32 ‘Niye na Imulungu wa Abulahamu, Imulungu wa Isaka, Imulungu wa Yakobo.’ Heyo heli Imulungu wa wanhu wafile, ila Imulungu wa wanhu wagima."

33 Lunhu lwa wanhu viluhulike avo, lukanganya kwa mafundizo gake.