11 Niye nowabatiza mweye kwa mazi kulagusa muzileka nzambi zenu. Lakini yonda yeze kuchugu changu kowabatiza kwa Loho Yang’alile na kwa moto, heyo munhu mkulu kubanza nene, niye sifaya hata kupapa vilatu vake.
13 Mna izisiku azo Yesu kasegela kulawa Galilaya kachola kuna ulwanda lwa Yolidani yakabatizwe na Yohana. 14 Lakini Yohana kalonda kumgomesa Yesu, kalonga, "Niye nolondigwa nibatizigwe na gweye, habali kokwiza kumwangu?"
15 Yesu kamwidika, "Leka sambi iwe vivo kwavija kwa kutenda vivo togatenda gaja gose golondigwa na Imulungu." Avo Yohana katogola.
16 Bahaja Yesu viyabatizigwe, kalawa mgamazi, ulanga ugubuka, na kamona Loho wa Imulungu kohumuluka kamba huwa na kakala uchanha yake. 17 Abaho sauti ihulikigwa kulawa kuulanga ilonga, "Ino heyo mwanangu nimnogele, ninogezwa na heyo."