Mateus 8

Yesu kowahonya wanhu wabili weli na vinyamkela

28 Yesu viyavikile umwambu, mwiisi ya Gadala, kaiting’hana na wanhu wabili weli na vinyamkela, walawa kuna gamapanga. Wanhu awo wakala odumbigwa, avo kuduhu munhu yadahile kubita nzila ayo. 29 Bahaja viwamone Yesu waguta mizangi olonga, "Gweye Mwana wa Imulungu, kotulonda choni? Kwiza kutudununza kipindi king’hali hakinavika?"

30 Behi na hanhu aho hakala na bumbila da nguluwe oja. 31 Avo vinyamkela wampula Yesu, "Wahatulava tuleke twingile mna iwanguluwe."

32 Yesu kawalongela, "Choleni," Avo walawa na wengila mna iwanguluwe. Bumbila jose dihumulukila mna ingema ya dilamba na wose wafa mgamazi.

33 Wasusilaji wa nguluwe awo wakimbila, wachola kudibuga, ako walonga mbuli zose zilawilile na walonga mbuli ya wanhu waja wakalile na vinyamkela. 34 Avo wanhu wose walawa kudibuga dija, wachola kuiting’hana na Yesu. Na viwamone wampula yasegele mwiisi yao.