1 Yoinega na wayage kozahila gaja gomnogeza heyo mwenyego,

kolema magesa ganogile.

2 Mbozi hanogelwa na nzewele,

lakini kodeng’helela kulonga magesa gake mwenyego.

3 Munhu yehile yaheza, kokwiza na bezi,

kokwiza hamoja na ukuduzi na kinyala.

4 Mbuli za munhu kamba kisima cha mazi,

ubala wa munhu kamba kiloka kikilima mazi.

5 Havinogile kulola kihanga cha munhu yehile mkitala,

na kumwima haki munhu yelibule kitala.

6 Mbuli za mbozi zogala ndwagi,

kila mbuli yonda yalonge yogala kutoigwa.

7 Mulomo wa mbozi ombananga mwenyego,

mulomo wake mtego wakumnamata mwenyego.

8 Mbuli za kidelenya kamba ndiya inogile,

ikwingila mbaka muutumbo.

9 Munhu mnyeke mzisang’hano zake,

ndugu yake mnangaji.

10 Twaga da Mndewa Imulungu ayo ngome igangamale,

yeli na haki koikimbilila yakawe na tindiwalo.

11 Munhu mgoli kogizaga vinhu viyeli navo ayo ngome yake,

kogizaga kamba awo luwa mtali omtaza.

12 Kuitapa kwa moyo kogala kunangigwa,

lakini uhole ogala kutegelezwa.

13 Heyo yokwidika bila kutegeleza,

awo ubozi na kinhu kigela kinyala.

14 Loho ya munhu yodaha kusitamili utamu,

lakini moyo kamba wabule tamanilo ositamili vilihi?