Mhumulo ya wanhu wa Mulungu
7 Fana Muhe Yelile viyolonga muna Yamaandiko Yelile,
"Diyelo muhahulika dizi da Mulungu,
8 sekemuwe na mizoyo midala fana viya wasaho zenu viwamulemile Mulungu,
fana viya viwatendile muna yamazuwa yaja viwakalile muna ichuwala, baho viwanilemile.
12 Lelo ndugu zangu muteganye muladi munhu yoyose kumwenu sekeyawe na moyo wihile fana uwo na yelibule uhuwilo mbaka kuigola na Mulungu yeli mgima. 13 Mbali mugendelele kuhulika mbuli "Diyelo" yosomigwa muna Yamaandiko Yelile, igeleni moyo chila zuwa muladi hata imwe wenu sekeyawe mdala wa kuvwiziligwa na uhasanyi. 15 Fana viyolonga Maandiko Yelile,
"Diyelo muhahulika dizi da Mulungu,
sekemuwe na mizoyo midala, fana viya viwatendile wasaho zenu viwamulemile Mulungu."