12 Galiyo viyakalile mkulu wa Akaya, Wayahudi waiting’hana hamwe, wamgwila Paulo na wamgala kuna ichitala. 13 Walonga, "Munhu ino kowatenda wanhu wamtosele Mulungu bila kusondelela Malagilizo ya Mulungu yoyamwing’hile Musa!"
14 Paulo viyalondile kulonga, Galiyo kawalongela Wayahudi, "One iwile mbuli ya ubamanyi hebu ya wihi, nihadahile kumtegelezani. 15 Mbali kwaviya mbuli zino na mazina ya malagilizo ni venu mweye, lamuleni mweye wenyewo. Niye sizakuwa mulamuzi wa mbuli zino!" 16 Maabaho kawalava kunze ya ichitala. 17 Wawo wose wamgwila Sositene, mkulu wa kaye ya kutosela ya Mulungu, na wamtowa haulongozi ha ichitala. Mbali Galiyo hagesile mbuli iyo hata chidogo.