1 Ivo habule kutagusigwa kwa wanhu waja woilumba na Chilisito Yesu. 2 Kwaviya kufosela Yesu Chilisito, malagilizo ya Muhe wa ugima yonikombola kulawa muna imbuli ya uhasanyi na ifa. 3 Yaja hayadahile kutendeka na Malagilizo ya Mulungu yoyamwing’hile Musa, kwaviya lukuli luli na uhasanyi lukala lwabule ludabwa, Mulungu katenda ivo kwa kumgala mwanage nyachende yeli na lukuli ulingile fana ng’huli zetu zili na uhasanyi, ivo katagusa uhasanyi uli muna ulukuli ulo. 4 Mulungu katenda ivo muladi yaja yoninogela muna yamalagilizo yatimiye mgati yetu, cheye wochikala kwa Muhe Yelile, na si kwa lukuli uli na uhasanyi.