15 Pagkaaga, aga pa gid nagbugtaw ang suluguon ni Elisha, kag nakita niya ang mga soldado nga nagasakay sa mga kabayo kag mga karwahe nga nagapalibot sa banwa. Nagsiling siya kay Elisha, "Sir, ano na lang ang aton himuon?" 16 Nagsabat si Elisha, "Indi ka magkahadlok. Mas madamo ang aton mga kaupod sang sa ila." 17 Nagpangamuyo dayon si Elisha, "Ginoo, buksi ang iya mga mata para makita niya." Ginbuksan sang Ginoo ang iya mga mata, kag nakita niya ang kabukiran sa palibot ni Elisha nga puno sang mga kabayo kag mga karwahe nga kalayo.