Efeso 4:25,26,28,29,31,32

25 Gani indi na kamo magbutig. Ang tagsa-tagsa magsugid sang matuod sa iya utod*4:25 Zac. 8:16 kay Cristo, kay kita tanan mga miyembro na sang isa ka lawas. 26 Kon mangakig kamo, indi kamo magpakasala.*4:26 Sal. 4:4 Kag indi ninyo pagpadugayon ang inyo kaakig sa bilog nga adlaw. 28 Ang nagapangawat indi na magpangawat, kundi magpangita siya sa maayo nga paagi, para makahatag man siya sa mga imol. 29 Indi kamo maghambal sing malain, kundi maghambal sing makabulig sa inyo isigkatawo kag nagasinanto sa okasyon, para makahatag kamo sing kaayuhan sa mga nagapamati. 31 Sikwaya ninyo ang tanan nga pagkalain sang buot, pagkamainiton sang ulo, kag ang kaakig. Indi na kamo magpamuyayaw, ukon maghambal sang malain, ukon magdinumtanay. 32 Sa baylo, magmaayo kag magmalulo kamo sa isa kag isa, kag magpinatawaray kamo pareho sang pagpatawad sang Dios sa inyo paagi kay Cristo.