Exodus 31

Ang mga Manug-obra sang Tolda nga Simbahan

1 Dayon nagsiling ang Ginoo kay Moises, 2 "Ginpili ko si Bezalel, nga anak ni Uri kag apo ni Hur, nga halin sa tribo ni Juda. 3 Gin-gamhan ko siya sang akon Espiritu*31:3 Espiritu: ukon, gahom kag ginhatagan sang kaalam kag abilidad sa bisan ano nga buluhaton— 4 sa paghimo sang matahom nga mga butang nga bulawan, pilak, kag saway, 5 sa pagporma sang malahalon nga mga bato nga inugtampok, sa pagkorte sang kahoy, kag sang tanan nga klase sang buluhaton.