Ang mga Manug-obra sang Tolda nga Simbahan
1 Dayon nagsiling ang Ginoo kay Moises, 2 "Ginpili ko si Bezalel, nga anak ni Uri kag apo ni Hur, nga halin sa tribo ni Juda. 3 Gin-gamhan ko siya sang akon Espiritu31:3 Espiritu: ukon, gahom kag ginhatagan sang kaalam kag abilidad sa bisan ano nga buluhaton— 4 sa paghimo sang matahom nga mga butang nga bulawan, pilak, kag saway, 5 sa pagporma sang malahalon nga mga bato nga inugtampok, sa pagkorte sang kahoy, kag sang tanan nga klase sang buluhaton. 6 Ginpili ko man si Oholiab nga anak ni Ahisamac, nga halin sa tribo ni Dan, sa pagbulig kay Bezalel. Ginhatagan ko man sang abilidad ang tanan nga maayo nga mga panday para mahimo nila ang tanan nga ginsugo ko sa imo nga himuon: