6 Ginpapas-an ni Abraham kay Isaac ang mga kahoy nga inuggatong sa halad, kag siya ang nagdala sang sundang kag pangsindi.
7 Samtang nagalakat sila, nagsiling si Isaac, "Tay!" Nagsabat si Abraham, "Ano, anak?" Nagpamangkot si Isaac, "May dala kita nga pangsindi kag inuggatong, pero diin ang karnero nga inughalad?" 8 Nagsabat si Abraham, "Anak, ang Dios ang magahatag sa aton sang karnero nga inughalad." Kag nagpadayon sila sa paglakat.