Genesis 45

Nagpakilala si Jose sa Iya mga Utod

1 Indi na mapunggan ni Jose ang iya kaugalingon, gani ginpaguwa niya ang iya mga suluguon. Kag sang wala na sing iban nga tawo nga kaupod si Jose, nagpakilala siya sa iya mga utod. 2 Naghibi sing tudo si Jose, gani nabatian ini sang mga Egyptohanon, kag nabalitaan ini sa palasyo sang hari.

3 Nagsiling si Jose sa iya mga utod, "Ako si Jose! Matuod gid bala nga buhi pa si tatay?" Pero wala makasabat ang iya mga utod sa iya kay naurungan sila.