1 Pero karon amo ini ang ginasiling sang Ginoo nga nagtuga sa imo, O Israel: "Indi ka magkahadlok kay luwason ko gid ikaw;*43:1 luwason ko gid ikaw: ukon, ginluwas ko na ikaw gintawag ko ikaw sa imo ngalan, kag akon ikaw. 2 Kon mag-agi ka sa tubig, magaupod ako sa imo. Kon magtabok ka sa mga suba indi ka malumos. Kon mag-agi ka sa kalayo, indi ka mapaso; ang dabdab sini indi makaano sa imo. 3 Kay ako ang Ginoo nga imo Dios, ang Balaan nga Dios sang Israel, nga imo Manluluwas. Itugyan ko sa iban nga nasyon ang Egypt, Ethiopia,*43:3 Ethiopia: sa Hebreo, Cush kag Seba sa baylo mo.