Si Jesus ang Dalan Pakadto sa Amay
1 Nagsiling si Jesus sa ila, "Indi kamo magsagi palibog. Magsalig kamo sa Dios kag magsalig man kamo sa akon.
16,17 Kag pangabayon ko ang Amay nga ipadala niya sa inyo ang isa na man ka Manugbulig. Ang Manugbulig nga ini wala sing iban kundi ang Espiritu Santo nga amo ang magatudlo sa inyo sang kamatuoran. Kag magapabilin siya sa inyo hasta san-o. Indi siya pagbatunon sang mga tawo sa kalibutan tungod kay indi nila siya makita kag wala sila makakilala sa iya. Pero kilala ninyo siya tungod kay siya kaupod ninyo, kag permi siya magapuyo sa inyo.
18 "Indi ko kamo pagbayaan nga wala sing upod; mabalik man ako sa inyo.
26 Pero kon makahalin na gani ako, ang Manugbulig nga amo ang Espiritu Santo amo ang ipadala sang Amay nga magbulos sa akon.14:26 nga magbulos sa akon: sa literal, sa akon ngalan Siya ang magatudlo sa inyo sang tanan nga butang, kag magapadumdom siya sa inyo sang tanan nga akon ginsiling sa inyo.