34 Nagsiling si Maria sa anghel, "Paano bala ang pagkahimo sini, kay birhen pa ako?"

35 Nagsabat ang anghel, "Magaabot sa imo ang Espiritu Santo, kag magalikop sa imo ang gahom sang Labing Mataas nga Dios. Gani ang balaan nga bata nga matawo sa imo kilalahon nga Anak sang Dios. 36 Tan-awa bala ang imo paryente nga si Elizabet. Nagsiling ang iban nga indi na siya makabata kay tigulang na gid siya. Pero karon anom na ka bulan ang iya ginabusong, 37 tungod kay sa Dios, ang tanan sarang mahimo."

38 Gani nagsiling si Maria, "Alagad lang ako sang Ginoo. Kabay pa nga matuman sa akon ang imo ginsiling." Dayon naghalin ang anghel.