Marcos 10

4 Nagsabat sila, "Nagtugot si Moises nga puwede bulagan sang lalaki ang iya asawa, basta makahimo lang siya sang kasulatan sang pagbulagay."*10:4 Deu. 24:1 5 Nagsiling si Jesus sa ila, "Ginsulat ni Moises sa inyo ini nga sugo tungod nga matig-a ang inyo ulo. 6 Pero sang ginsuguran, sang pagtuga sa kalibutan, ‘ginhimo sang Dios ang tawo nga lalaki kag babayi.’*10:6 Gen. 1:27; 5:2 7 ‘Amo ina ang rason nga bayaan sang lalaki ang iya amay kag iloy kag mag-upod sa iya asawa, 8 kag sila nga duha mangin isa.’*10:8 Gen. 2:24 Indi na sila duha kundi isa. 9 Gani indi dapat bulagon sang tawo ang gin-isa sang Dios."