43 Samtang nagahambal pa si Jesus nag-abot si Judas nga isa sa dose ka apostoles. Kaupod niya ang madamo nga tawo nga may dala nga mga espada kag mga inuglampos. Ginsugo sila sang manugdumala nga mga pari, mga manunudlo sang Kasuguan kag mga manugdumala sang mga Judio. 44 Nakasiling na nga daan ang traidor nga si Judas sa mga manugdakop kon ano ang iya senyales: "Ang tawo nga akon halukan amo ang inyo ginapangita. Dakpa ninyo siya kag dal-a nga ginaguwardyahan gid sing maayo."
45 Gani pag-abot ni Judas, nagderetso siya kay Jesus kag nagsiling, "Manunudlo!" Kag ginhalukan niya siya. 46 Dayon gindakop nila si Jesus. 50 Dayon ginbayaan siya sang iya mga sumulunod kag nagpalagyo sila tanan.