Mateo 12

Ang Iloy kag ang mga Utod ni Jesus

46 Samtang nagahambal pa si Jesus, nag-abot ang iya iloy kag ang iya mga utod. Nagahulat sila sa guwa kay luyag nila nga magpakighambal sa iya. 47 May isa ka tawo nga nagsiling sa iya, "Ang imo iloy kag mga utod nagahulat sa guwa. Luyag nila nga magpakighambal sa imo." 48 Nagsabat si Jesus sa iya, "Nahibaluan mo bala kon sin-o ang akon iloy kag mga utod?" 49 Dayon gintudlo niya ang iya mga sumulunod kag nagsiling, "Amo ini sila ang akon iloy kag mga utod! 50 Kay ang bisan sin-o nga nagahimo sang kabubut-on sang akon Amay sa langit amo ang akon iloy kag mga utod."