Mateus 15

3 Ginsabat sila ni Jesus, "Kamo man, ngaa ginalapas ninyo ang sugo sang Dios tungod sa inyo tradisyon nga ina? 4 Halimbawa, nagsiling ang Dios, ‘Tahura ang imo amay kag iloy,’*15:4 Exo. 20:12; Deu. 5:16 kag ‘Ang bisan sin-o nga magpakamalaot sa iya amay ukon iloy dapat patyon.’*15:4 Exo. 21:17; Lev. 20:9 5 Pero kamo ya nagatudlo nga kon ang tawo maghambal sa iya ginikanan nga ang bulig nga ihatag kuntani niya sa ila natigana na nga ihatag sa Dios, 6 indi na kinahanglan nga magbulig siya sa ila. Ginapakawalay pulos ninyo ang pulong sang Dios tungod sa inyo tradisyon.