Mateo 26:69,70,72,74,75

69 Si Pedro didto pa sa ugsaran nga nagapungko. May nagpalapit sa iya nga babayi nga suluguon sang pangulo nga pari kag nagsiling, "Indi bala kaupod ka man ni Jesus nga taga-Galilea?" 70 Pero ginpanginwala ni Pedro ini sa tanan nga tawo didto sa guwa. Siling niya, "Wala ako kahibalo kon ano ang imo ginahambal." 72 Sa liwat ginpanginwala ini ni Pedro kag nagsiling, "Ginasumpa ko, wala ako kakilala sa tawo nga inyo ginasiling!" 74 Pero nagpanumpa gid si Pedro nga nagasiling, "Bisan mapatay pa ako, wala gid ako kakilala sa tawo nga inyo ginasiling." Dayon nagpamalo ang manok, 75 kag nadumduman ni Pedro ang ginsiling ni Jesus sa iya, "Sa wala pa makapamalo ang manok, ipanginwala mo ako sing tatlo ka beses." Dayon nagguwa siya kag naghilibion.