Mateus 27

Ang Kamatayon ni Judas

3 Pagkahibalo ni Judas nga traidor nga si Jesus ginsentensyahan na nga patyon, ginbasol niya ang iya kaugalingon. Nagkadto siya sa manugdumala nga mga pari kag manugdumala nga mga Judio para iuli ang 30 ka bilog nga pilak. 4 Nagsiling siya, "Nakasala ako tungod nga gintugyan ko sa inyo ang tawo nga wala sing sala." Nagsabat sila, "Ano ang amon labot? Imo ina salabton!" 5 Ginpilak ni Judas ang kuwarta didto sa sulod sang templo. Dayon nagguwa siya kag ginbitay niya ang iya kaugalingon.