Ang Pagtentar kay Jesus
1 Pagkatapos sadto, gindala sang Espiritu Santo si Jesus sa kamingawan para tentaron sang yawa. 2 Sa sulod sang 40 ka adlaw kag 40 ka gab-i nagpuasa si Jesus, kag gin-gutom siya. 3 Nagpalapit sa iya ang manugtentar nga si Satanas kag nagsiling, "Kon ikaw ang Anak sang Dios, himua ini nga mga bato nga mangin tinapay." 4 Pero nagsabat si Jesus sa iya, "Nagasiling ang Kasulatan, ‘Indi lang sa pagkaon mabuhi ang tawo, kundi sa tagsa ka pulong sang Dios.’ "4:4 Deu. 8:3
7 Pero ginsabat siya ni Jesus, "Nagasiling ang Kasulatan, ‘Indi pagtestingi ang Ginoo nga imo Dios.’ "4:7 Deu. 6:16
10 Dayon nagsiling si Jesus, "Palayo ka Satanas! Nagasiling ang Kasulatan, ‘Simbahon mo ang Ginoo nga imo Dios kag siya gid lang ang imo alagaron.’ "4:10 Deu. 6:13
11 Dayon naghalin ang yawa, kag nag-abot ang mga anghel sang Dios kag nag-alagad kay Jesus.
Nagsugod si Jesus sang Iya Buluhaton sa Galilea
(Mat. 1:14, 15; Luc. 4:14, 15)