2 Gani nagpadala si Sanbalat kag si Geshem sang sini nga mensahi sa akon: "Gusto namon nga magpakigkita sa imo sa isa sang mga baryo sa patag sang Ono."
Pero nahibaluan ko nga may plano sila nga malain sa akon. 3 Gani nagpadala ako sang mga mensahero sa pagsiling sa ila nga, "Importante ang akon ginaobra subong, gani indi ako makakadto dira. Indi ko mahimo nga untatan ang pag-obra para lang magkadto dira." 4 Apat ka beses nila ako ginpadal-an sang amo gihapon nga mensahi kag apat ka beses ko man sila nga ginpadal-an sang amo gihapon nga sabat.
6 Kag amo ini ang nakasulat: "Ginsugiran ako ni Geshem6:6 Geshem: ukon, Gashmu nga bisan diin siya magkadto mabatian niya nga ikaw kag ang mga Judio nagaplano sa pagrebelde, kag amo ina nga ginapatindog ninyo liwat ang pader. Kag suno sa iya nabatian, gusto mo nga mangin hari sang mga Judio,
8 Amo ini ang akon sabat sa iya: "Wala sing kamatuoran inang imo mga ginapanghambal. Ginhimo-himo mo lang ina." 9 Nahibaluan ko nga ginapahog lang nila kami para mauntat ang amon pag-obra. Pero nagpangamuyo ako sa Dios nga pabakuron pa gid niya ako.