9 Nagsiling dayon si Boaz sa mga manugdumala sang banwa kag sa tanan nga tawo didto, "Mga saksi kamo subong nga adlaw nga baklon ko na kay Noemi ang tanan nga kadutaan ni Elimelec, nga ginpanubli ni Kilion kag ni Mahlon. 10 Kag dugang pa gid, pangasaw-on ko si Ruth nga Moabnon, nga balo ni Mahlon, para magapabilin ang duta ni Mahlon sa iya pamilya.4:10 Tan-awa ang footnote sa 4:5. Kag para indi madula ang iya kaliwat sa iya mga kasimanwa." Dayon nagsiling si Boaz sa mga tawo, "Saksi kamo subong nga adlaw!"