Ukukwela
1 Apfo kwa mbuli ya aghala ghamwandike; pfinogha imunu yaleke kukwela. 2 Lekeni kwaapfila kuna ughoni sideke, chila mmale yawe na mwehe wake mwenyegho. Na chila pinga yawe na mmale wake mwenyegho.
8 Apfo kwa awala iwang’ali ng’ana wakwele na awala ng’ana wakwelighwe, nene nolonga pfino; pfinogha wang’akala ka nene pfanili. 9 Lekeni ka ng’amdaha bae kwikinga wenyegho, mkwele, kwaapfila pfinogha ng’ani kukwela kubita kusulukila.
Mbuli tsa iwanu ng’ana wakwele na wasaka
25 Lelo, kwa imbuli ya awala ing’awakwelighwe bae, nene nahela laghitso kulawa kwe Imtwatsa, lekeni nene nolonga ghano ka imunu iyatogholighwe ne libatsi lye Imtwatsa.
26 Pfanikona nene, ukughaya kwamghaya sambi, pfinogha mwemwe kukala ka pfamli. 27 Pfii ma kukwela? Uleke kumleka mwehe wako. Pfii ng’una ukwele bae? Uleke kubama ipinga. 28 Lekeni ung’akwela, ng’utotsa bae, na imwali ang’akwelighwa, ayo ng’ototsa bae, lekeni iwanu ka awo watsopata maghayo mengi ghe ughima uno, lekeni nene nobama agho ghaleke kuwapata mwemwe.