2 muwe iwadimi we kingili lye iwanu we Imulungu imuwalolesa, muwalongotse si kwa kunanaitsighwa, ila kwaapfila mwobama muwenyegho na ka Imulungu pfayobama. Msang’ane si kwaajili ya sendi, ila kwa ghumoyo ghwose, 3 mleke kuwatawala kwa ngupfu, ila muwe chinu cha kwighighwa kuna kingili alyo.
5 Pfipfila namwe iwasongolo muwahulikitse iwabala wenu, mwemwe wose muwe wahole mna ukwisang’anila, kwaapfila Ghamaandiko gholonga, "Imulungu kowalema iwanu iweghoda, ila kowatendela uluso iwanu yang’aweghoda."
7 Mwasileni Yeye ghose ghamghanzika, kwaapfila yeye kowatunzani.
10 Lekeni mng’amalitsa kudununzika kwa chipindi chidodo, Imulungu yane uluso wose, iyawakemile mwingile mne utunitso wake wa ghamatsuwa ghose mne ukwilunga na Kiristu, yeye imwenyegho katsomtendani muwe waghima keli, katsomwing’ani ingupfu, katsowatenda mwime ghoya na kumwing’eni ghumsingi ighunoghile.