Ukutsa kwa Ghumuhe Mwenzeluka
1 Litsuwa lya Pentekoste halipfikile, wose iwamtoghole Yesu tsawetingana hanu hamwe. 2 Bahala, iwanu wahulika chinu choduma kulawa kulanga ka beho liduma kwe ingupfu, limemesa ing’anda yose iwakalile iwanu awo. 3 Kuya, pfilawila ipfinu ipfikoneka ka milambi ya ghumoto, napfo pfipwililika na kukala mchanya mwa chila imunu. 4 Wose tsawamemesighwa Ghumuhe Mwenzeluka, wandusa kulonga lugha tsingi ka Ghumuhe Mwenzeluka pfayawatendile wadahe kulonga.
16 Achino ichilawile chicho chayalongile Yoeli, nabii we Imulungu,
17 ‘Imulungu kolonga, mne matsuwa gha utsighilo
nitsowamwaghila iwanu wose Ghumuhe ghwangu.
Iwana wenu na neghe tsenu watsopeta mbuli yangu,
iwasongolo wenu watsakona ghamaono,
ne iwabala wenu watsolota tsindoto.
38 Petiri kawedika, "Chila imunu yatsileke nzambi tsake, mbatitsighwe kwa taghwa lya Yesu Kiristu, na Imulungu katsomleghusilani nzambi tsenu. Namwe mtsobokela laghano lye Imulungu, iyo Ghumuhe Mwenzeluka.
41 Iwanu wengi watsitoghola mbuli tsake, wabatitsighwa. Mne litsuwa lila, iwanu ka 3,000 wongetseka.