Waefeso 4:12,13,16

12 Katenda apfo ili yawaandae iwanu we Imulungu wasang’ane ng’onde ye chikiristu, ili kulutsenga lukuli lwa Kiristu. 13 Apfo twetwe twose twilunge tuwe chinu chimwe mna ukutoghola na kummanya Imwana we Imulungu; tuwe iwanu wakomale mne ukutoghola na kuupfikila utimilifu wa Kiristu mwenyegho. 16 Kwa ulongotsi wake pfilungo pfose pfa lukuli pfekindilisa hamwe kwa nyughe, na lukuli lwose lwokindighwa hamwe kwa kwapfilighwa ne pfilungo pfake. Apfo chila chilungo ching’asang’ana ng’onde yake pfinoghile, lukuli lwose lwokula na lwetsenga mne unoghelo.