12 Apfo wanoghelighwa wangu, ka pfamnitegheletse ghamatsuwa ghose haning’ali namwe, lelo pfinogha ng’ani mwemwe kunitegheletsa hata sambi ning’awa kutali namwe. Kwa kupfuka ne ukudedema mlanguse kwa ghamatendo ghenu ka mkombolighwa, 13 kwaapfila ghamatsuwa ghose Imulungu kosang’ana mghati mwenu, na komtendani mdahe kubama na kutenda aghala ghobama imwenyegho.

14 Mtende chila chinu bila kusing’inika au ukuhisanya, 15 ili muwe iwana we Imulungu imdeghete na imlihela matotso, imkala mne isi ihile na ine iwanu wane nzambi, mwoneke mghati mwawo ka tsinondo itsing’aika kulanga, 16 aku mwokindilisa ghoya mbuli iighala ughima. Mng’atenda apfo nitsokuwa ne ichinu che ukwighodela kwaajili yenu litsuwa lyatsakuya Kiristu, Mana itsolangusa ka ingupfu yangu na isang’ano yangu ng’apfaghile hela.