Mtambika Melikisedeki
1 Ayu Melikisedeki tsakakala mndewa ghumji ghwa Salemu, na mtambika we Imulungu iyali kuchanya ghendo. Abrahamu hayang’ali yakuya kulawa mng’ondo ako kwayawakomile iwandewa, Melikisedeki tsaketingana naye, kambaliki, 2 naye Abrahamu tsakamwing’a kumi limwe lye ipfinu pfose pfayang’ali napfo. Mana ya taghwa lyake "Imndewa wa kutenda ighanoghile," pfipfila yeye tsakakala "Imndewa wa Salemu," mana yake "Imndewa wa tindiwalo." 4 Lelo mlole, imunu ayo pfayakalile mkulu. Hata mbala wetu Abrahamu tsakamwing’a kumi limwe lye ipfinu pfose pfayabokile mng’ondo. 9 Kuya twodaha kulonga, iwanaghe Lawi iwobokela kumi limwe lye ipfinu, kubitila Abrahamu nawo tsawaliha kumi limwe lye ipfinu, 10 Kwaapfila Melikisedeki hayatingane na Abrahamu, Lawi tsayang’ali mlukuli mwa Abrahamu, imbala wake.