Ukwelekighwa kwa Yesu kwolangusighwa
26 Mna ghumwetsi ghwa sita ghwe inda ya Elizabeti Imulungu kamtuma malaika yokemighwa Gaburieli aghende mne ghumji ghwa Natsareti mne isi ya Galilaya, 27 kwe imwali iyalapfighwe tsengele ne immale yakemighwe Yosefu, yalawile mne lukolo lwa Mndewa Daudi. Imwaliyo tsakakemighwa Mariya. 28 Malaika tsakamtsila imwaliyo kamlongela, "Haulamke! IMNDEWA kahamwe naghwe, naye kakubaliki!"
38 Mariya kalonga; "Nene na imtumwa we IMNDEWA, nendelighwe ka pfaulongile." Kuya malaika ayo koka.
Mariya komwangila Elizabeti
(Luk 1:39-45)
Wila wa Mariya
46 Mariya kalonga,
"Ghumoyo ghwangu ghomtoghola IMNDEWA;
47 ghumoyo ghwangu ghwomdeng’elela Imulungu
iyali Mkombotsi wangu,
48 kwaapfila kaukumbuka udodo we imtumwa wake!
Kulawa sambi na kughendelela
iwanu wose watsong’ema na imunu iyebwedile