7 Litsuwa tsalipfika lye Ichihungo cha Pfighate ipfilihela hamila. Pfipfila likala litsuwa lya kukomighwa kwe iwang’olo we Ichihungo che Ipasaka. 8 Apfo Yesu kawatuma Petiri na Yohane, kawalongela, "Mghende mkatutengele ichijo ili tuje Ipasaka."
14 Isaa haipfikile, Yesu kawasola iwatumighwa wake kakala nawo mchijo. 15 Kawalongela, "Nosulukila kuja ichijo chino che Ipasaka na mwemwe ng’ana nidununzike!
19 Kuya kasola chighate, kalonga, "Mighede Imulungu." Kachibena, kaweng’a, kalonga, "Aluno lukuli lwangu lwamwing’ighwe mwemwe. Mtende pfino kwa kung’umbuka nene." 20 Pfipfila, hawamalitse kuja ichijo cha nemihe, kaweng’a ichikombe kalonga, "Achi ichikombe cha lilaghano lya sambi lye Imulungu ilili mne idamu yangu, iimwitikilani mwemwe.